Dydd Mercher Hydref 1af 2014
(sef Diwrnod Rhyngwladol Pobl mewn Oed)
yng Nghapel Waengoleugoed, Waen, Llanelwy, LL17 0DY
(www.capelywaen.btck.co.uk)

Diwrnod ar gyfer pawb sydd eisiau gwybod mwy am Ddementia
a sut allwn fel Cymunedau Cefnogi y nifer cynyddol o bobl
sydd yn byw gyda Dementia a rhoi cefnogaeth ymarferol i’w teuluoedd.

Siaradwyr Gwadd yn cynnwys
Dr Rhys Davies – Ymgynghorydd Meddygol Ysbyty Walton Lerpwl
Miss Rhian Huws Williams – Prif Weithredwr Cyngor Gofal Cymru
Mrs Meryl Davies – Llywydd Cenedlaethol Merched y Wawr
Dr Gwawr Ifan –Prifysgol Bangor – Cerdd a Dementia
Miss Rhian Price – Celf a Dementia
Cadeirydd y Diwrnod – Parchedig John Roberts – Is Olygydd BBC Radio Cymru a chyflwynydd Bwrw Golwg
Cost y diwrnod £30 i gynnwys cinio. Am ragor o fanylion cysylltwch trwy’r wefan

www.capelywaen.btck.co.uk

YSGOL UNDYDD Y GYMDEITHAS EMYNAU

Dydd Sadwrn, 10 Mai 2014

Festri Bethel, Stryd y Popty, Aberystwyth

10.30-4.30

 Sesiynau:

* Parchg Derwyn Morris Jones: Cofio W. Rhys Nicholas (1914-1996)

* Dr E Wyn James: Thomas Charles (1755-1814) a’r Emyn

* Dr Rhidian Griffiths: ‘Stori Fer’ Emynyddol

 Croeso cynnes i bawb.

Croeso hefyd i chi rannu’r neges ymhlith eich ffrindiau a’ch rhwydweithiau.

Mewn noson arbennig wedi ei threfnu gan Gyfnewidfa Lên Cymru mewn partneriaeth â’r Cyngor Prydeinig fe fydd un o awduron amlycaf Korea Lee Seung-U yn sgwrsio gyda’r awdur Francesca Rhydderch.  

Astudiodd Lee Seung-U Ddiwinyddiaeth ym Mhrifysgol Seoul a Phrifysgol Yonsei. Yn Gristion, nofelydd, ac Athro mewn ysgrifennu creadigol ym Mhrifysgol Chosun, enillodd wobr lenyddol Daesan yn 1993, a gwobr lenyddol Dong-in yn 2013.

Mae ei waith yn aml yn ymwneud a chwestiynau moesol beunyddiol bywyd yn ogystal â chwestiynau oesol am Dduw, iachawdwriaeth ac euogrwydd. Mae In the Beginning, There Was the Temptation, yn addasiad o lyfr Genesis, tra bod The Reverse Side of Life, nofel yn ymwneud ag euogrwydd, wedi ei chyhoeddi mewn cyfieithiad Saesneg gan Peter Owen Publishers.  

 Dyma gyfle prin i glywed Lee Seung-U yn trafod ei waith, ei syniadaeth a’r hyn sy’n ei osgosi.  Dyma awdur sy’n haeddu enwebiad am wobr lenyddol Nobel yn ôl J.M.G. Le Clezio (enillydd y wobr yn 2008).

 Cynhelir y noson yn Ystafell Seddon, Yr Hen Goleg, Aberystwyth, nos Wener, Ebrill 11eg. Bydd y noson yn cychwyn am 6:00yh, a thocynnau yn £5.00 / £3.00 (am ddim i’r di-waith), gyda derbyniad gwin yn dilyn. Mae croeso mawr i bawb.

(Cysylltiad: Mari Sion mas31@aber.ac.uk)

Ddechrau Medi, daeth grŵp Cristnogaeth 21 yn Aberystwyth at ei gilydd i drafod papur gan Enid Morgan. Rydym yn cyhoeddi’r papur hwnnw ar y botwm “Erthyglau”  dan y teitl “Beth yw’r Beibl”.

Yna, rydym yn cyhoeddi crynodeb a wnaed gan Cynog Dafis o’r drafodaeth a ddilynodd.

Beth am ymateb i’r cyfan yn Y Fforwm?

Efallai y byddai gan eich darllenwyr ddiddordeb mewn noson sy’n cael ei chynnal yn enw cylchgrawn Yr Ymofynnydd yn Llanwnnen, nos Wener, 13 Medi yng Ngwesty’r Grannell Llanwnnen – Noson Caws a Gwin a Bach o Feddwl. Fe fydd panel yno’n trafod materion ysbrydol a chred – Dafydd Iwan, Mererid Hopwood a’r Parch Eric Jones – dan gadeiryddiaeth Dylan Iorwerth. Mae’n rhan o ymdrech newydd gan Undodiaid y Smotyn Du i gynyddu’r drafodaeth ar y materion pwysicaf. Wrth reswm, mae croeso i bawb o bob cefndir i ddod draw. Mae tocynnau’n £5 ac ar gael am £5 trwy e-bost – ymofynnydd@yahoo.com – neu ar y noson.

Byddwn fel criw yn cyfarfod dros nos yn Nhrefeca ddechrau mis Hydref. Y bwriad yw cyrraedd brynhawn Mawrth, Hydref 1af, ac aros tan ddiwedd prynhawn Mercher, Hydref 2il. Rydym yn gobeithio treulio’r amser yn trafod dyfodol Cristnogaeth 21 – ac mae croeso i unrhyw un gynnig eitem i’w chynnwys ar yr agenda.

Y pris fydd £65 i gynnwys swper nos Fawrth, gwely a brecwast a chinio ysgafn ddydd Mercher.

Ac mae croeso cynnes i BAWB.

Os hoffech ddod, ewch i’n tudalen gartref ac anfon neges trwy bwyso Cysylltu â ni.

Hefyd, mae croeso i chi gynnig eitem i’w chynnwys ar yr agenda trwy gysylltu yn yr un modd.

Presenoldeb Cymdeithas y Cymod ar Faes yr Eisteddfod

Sir Ddinbych a’r Cyffiniau

3 – 10 Awst 2013

Dewch i’n gweld yn y Babell Heddwch ar Faes yr Eisteddfod yn Sir Ddinbych!  Cewch groeso mawr yno.

Ar wahan i arddangosfeydd, bydd cyfle i gymryd rhan yng ‘nghystadleuaeth Heddwch75’ – sef cystadleuaeth a drefnir gan Ganolfan Materion Rhyngwladol Cymru i ddathlu penblwydd y Deml Heddwch yng Nghaerdydd yn 75 blwydd oed!  Yr her yw dweud beth y mae heddwch yn ei olygu i chi mewn 75 o eiriau neu 75 o eiliadau – mewn cerdd neu gân – neu ar ffurf fideo.    Caiff rhai o’r cyfraniadau eu harddangos yn ystod gwyl deuluol  a gynhelir yn y Deml Heddwch ar 30 Tachwedd 2013.

Am 11 y bore ar Ddydd Mawrth 6 Awst – Diwrnod Coffáu Hiroshima – cynhelir gwasanaeth arbennig  ym Mhabell Cytûn  ar y Maes.  Caiff y gwasanaeth ei arwain gan aelodau o Gymdeithas y Cymod.

Yno, am 2 o’r gloch y prynhawn ar Ddydd Gwener 9 Awst cynhelir cyfarfod yn Y Stiwdio i rannu gwybodaeth am yr ymgyrch i sefydlu  Academi Heddwch Cymru.  Bydd Mererid Hopwood yn cadeirio a Robin Gwyndaf yn annerch y gynulleidfa ar y thema ‘Heddwch ar Waith ac Arweiniad Cymru i’r Byd’.  Dewch i glywed mwy ac i fynegi barn.

Dewch i ymuno â ni a chadw tystiolaeth heddwch yn fyw ar y Maes!

David Charles