Sefydlwyd Cristnogaeth 21 gan griw bychan o weinidogion a lleygwyr sy’n awyddus i weld dehongli hanfodion Cristnogaeth radical ar gyfer yr oes bresennol. Credwn fod y Gymru Gymraeg wedi dioddef yn ystod y blynyddoedd diweddar o ddiffyg trafodaeth eang ar natur Cristnogaeth yn ein dyddiau ni.

Rydym yn byw mewn cyfnod o newidiadau syfrdanol sy’n hawlio trafodaeth o’r ffydd Gristnogol mewn ffordd sy’n cydnabod y newidiadau hynny.

• Credwn fod lle i drafod y ffydd heb ddisgwyl unffurfiaeth.
• Ymdrech yw Cristnogaeth 21 i gynnal fforwm i roi llais i ystod eang o safbwyntiau diwinyddol Cristnogol er mwyn miniogi a chyfoethogi meddylfryd Cristnogol Gymraeg.
• Ein bwriad yw cyflwyno’n gyson erthyglau amrywiol ar destunau y tybiwn ni eu bod yn greiddiol i ddilynwyr yr Iesu yn yr 21ain ganrif.

Gwahoddwn unrhyw un i ymateb i’r wefan yn gwrtais ac yn onest.

SUT I YMATEB?

Medrwch ymateb i unrhyw erthygl drwy bostio neges ar ein tudalen Facebook neu anfon neges at cristnogaeth21@gmail.com