Galar a fi – noson o wrando a thrafod.

Yn ôl Gwasg y Lolfa yr oedd gwerthiant argraffiad cyntaf Galar a Fi  (Gol. Esyllt Maelor) yn anghyffredin o gyflym. Gwerthwyd y mil o gopiau mewn ychydig iawn o amser ac y mae’r ail argraffiad yn gwerthu’n dda hefyd.

Ddwy flynedd yn ôl fe aeth y gyfrol Gyrru drwy Storom (Gol. Alaw Griffiths) i ail argraffiad cyn diwedd y flwyddyn honno. Efallai bod ymateb o’r fath yn ddealladwy oherwydd fod y ddwy gyfrol yn ymwneud â phrofiadau sy’n cyffwrdd bywydau y mwyafrif, yn arbennig galar efallai. Ond  ar wahan i’r gwerthiant cyflym y mae’n ddiddorol fod y galw â’r ymateb yn profi bod angen cyfrolau o’r fath. Mae’n ddiddorol hefyd nad ydynt yn gyfrolau ‘crefyddol’. Y maent, wrth gwrs, yn codi cwestiynau am y gwahaniaeth â’r berthynas rhwng y ‘crefyddol’ a’r ‘ysbrydol’ ac er bod rhai yn ymwrthod â’r gwahaniaethu hwnnw, ni ellir ei osgoi chwaith.

Fe fydd rhai o gyfranwyr i Galar a fi  yn siarad mewn noson arbennig yn y Morlan, Aberystwyth nos Fercher, Medi 27ain (mynediad am ddim, croeso i bawb).

Pryderi Llwyd Jones

Fel rhan o ‘Ddrysau Agored’ Cadw, fe fydd Eglwys Uniongred Groegaidd Sain Nicolas, Caerdydd, yn cynnal diwrnod agored a theithiau tywys i ymwelwyr ar 23 Medi, 2017.

Gweler manylion y digwyddiad yma.

Ethol Archesgob Cymru

Dewiswyd John Davies, a wasanaethodd fel Esgob Abertawe ac Aberhonddu am y naw mlynedd ddiwethaf, fel 13eg Archesgob Cymru.

Mae’n olynu’r Dr Barry Morgan a ymddeolodd ym mis Ionawr ar ôl 14 mlynedd fel arweinydd yr Eglwys yng Nghymru. Mae ei etholiad hefyd yn un hanesyddol gan mai hwn yw’r tro cyntaf i Esgob Abertawe ac Aberhonddu gael ei ethol yn Archesgob Cymru.

Rhagor o wybodaeth ar wefan yr Eglwys yng Nghymru

SYLWER!

Newid trefn cynhadledd ‘Argyfwng Hunaniaeth a Chred’

Mae trefniadau’r diwrnod cyntaf y gynhadledd isod wei newid.

‘Argyfwng Hunaniaeth a Chred?’
15-16 Medi 2017
Ystafell y Cyngor, Llyfrgell Genedlaethol Cymru, Aberystwyth

Dydd Gwener 14.00 – 17.00 
Huw L Williams a Garmon Iago – ‘Yr argyfwng gwacter ystyr 2016’
Cynog Dafis a Gareth Wyn Jones – ‘Dyneiddiaeth Cristnogol’

Dydd Sadwrn 10.00 – 13.00
Yr Athro Steve Edwards – ‘Gwirionedd a’r ôl-ffeithiol’
Yr Athro Howard Williams – ‘Athroniaeth T H Parry Williams’
Rhianwen Daniel – ‘Iaith ac Hunaniaeth’

Mae’r dyddiad cau ar gyfer y ddeiseb i Lywodraeth Cymru ‘Cydnabod tri chan mlwyddiant Williams Pantycelyn’ yn agos!

11 Medi yw’r dyddiad cau. 

Dyma’r ddolen i’r yr e-ddeiseb

Esgob Tyddewi, Joanna Penberthy

Esgob Tyddewi, Joanna Penberthy oedd un o’r rhai a arweinodd orymdaith Gay Pride drwy strydoedd Caerdydd ar y dydd Sadwrn olaf o Awst. Hi hefyd oedd yr Esgob cyntaf i weinyddu’r Cymun Sanctaidd yn yr ŵyl liwgar hon a gŵyl sydd wedi tyfu dros y blynyddoedd. Fe weinyddwyd y cymun yn #pabellffydd sydd wedi bod yn rhan o’r ŵyl o’r dechrau. Y mae #pabellffydd yn gydweithrediad rhwng grwp o’r enw The Gathering (LGBT), Church for Everone a CATAC ( sef, Changing attitude/trawsnewid agwedd Cymru) . Roedd yr esgob yn arwain trafodaeth ar rywioldeb hefyd. Roedd nifer o bynciau eraill, fel ffoaduriaid, yn destun trafod yn y babell , yn ogystal â’r addoli.

Nawr bod Iestyn yn dechrau setlo i mewn i’r gwaith o gynnal y wefan, mae’n briodol, ac yn fraint cael diolch i Emlyn Davies am ei wasanaeth fel Golygydd y Wefan. Emlyn sydd wedi golygu’r wefan ers i Cristnogaeth 21 ddechrau dros ddeng mlynedd yn ôl. Bu yn gwbwl allweddol yn ein gwaith ac er na fyddai ef yn barod i gydnabod hynny y mae Pwyllgor C21 yn gwybod mai ef, yn fwy na neb arall, sydd wedi ein cynnal, ein symud ymlaen a’n hysbrydoli. Y mae wedi rhoi o’i amser, ei ddoniau a’i argyhoeddiad Cristnogol yn hael, yn llawen ac yn ddi-flino. Y newyddion da yw y bydd Emlyn yn parhau yn un o’r tim bychan sydd yn credu bod angen a bod gwerth i wefan fel C21 a’r hyn sydd wedi datblygu ohoni.

Wythnos codi ymwybyddiaeth am roi organau Medi 4-8.

Ceir manylion am roi organau yma 

Golygydd y Wefan

Mae’r pwyllgor canolog yn falch o gael cyhoeddi mai golygydd newydd y wefan yw Iestyn Hughes o Aberystwyth. Mae Iestyn  yn ffotograffydd medrus gyda chefndir yn y byd digidol, ac rydym yn dymuno’n dda iddo wrth y gwaith.